پاکستان (نیوز اویل)، مسجد اقصی کے خطیب و امام جناب شیخ عکرمہ سعید الصبری نے سابق وزیراعظم عمران خان کو خط لکھا ہے اور یہ خط انہوں نے عمران خان کو ضمنی انتخابات میں کامیابی حاصل کرنے کے بعد لکھا ہے جسے پی ٹی آئی کی آفیشل ویب سائٹ پر بھی شیئر کیا گیا ہے ،
مسجد اقصی کے خطیب و امام جناب شیخ عکرمہ سعید الصبری نے اس خط میں عمران خان کو کامیابی پر مبارکباد دی ہے اور ساتھ ساتھ کہا ہے کہ اللہ تعالی آپ کو اپنے حفظ و امان میں رکھے اور آپ کی حفاظت
فرمائے اور آپ کی مدد فرمائے ، ان کا مزید کہنا تھا کہ ہم بیت المقدس میں ہیں اور ہمارے دل آپ کے ساتھ ہیں اور ہمارے دل پاکستان کی عوام کے ساتھ ہیں ،
یاد رہے عمران خان نے ضمنی انتخابات میں نمایاں
کامیابی حاصل کرتے ہوئے پندرہ سیٹوں میں سے 10 سیٹوں پر کامیابی حاصل کی تھی جس کے بعد پنجاب میں ان کی حکومت قائم ہو گئی ہے اور اب وہ اسی طرح سے ہی وفاق میں بھی اپنی حکومت قائم کرنا چاہتے ہیں ۔
