پاکستانی طلباء کا بڑا کارنامہ، فارمولا کار تیار کرلی۔

این ای ڈی یونیورسٹی کے طلبا نے پاکستان کی دوسری فارمولا الیکٹرک اسپورٹس کار تیار کی

کراچی: این ای ڈی یونیورسٹی آف انجینئرنگ اینڈ ٹیکنالوجی کے طلباء نے تقریبا ساڑھے تین لاکھ روپے کی لاگت سے پاکستان کی دوسری فارمولا الیکٹرک اسپورٹس کار تیار کر لی۔
ایک طالب علم نے تخلیق کی تفصیل دیتے ہوئے کہا کہ حقیقت میں یہ انجنئیرنگ ڈیپارٹمنٹ کے سینئرز کا خواب تھا کہ وہ پاکستان کی دوسری فارمولا الیکٹرک اسپورٹس کار تیار کریں ، پہلے اس کو نسٹ نے بنایا تھا۔

کار زیادہ سے زیادہ 120 کلومیٹر فی گھنٹہ کی رفتار حاصل کرسکتی ہے اور اس کی اوسط رفتار 60 سے 70 کلومیٹر فی گھنٹہ ہے۔ یہ کار تقریبا3 ساڑھے تین لاکھ روپے کی لاگت سے تیار کی گئی ہے اور اسے حتمی شکل دینے کے دوران انہیں بیٹری بیک اپ اور موٹرز کے چیلنجوں کا سامنا کرنا پڑا۔
طلباء نے آسٹریلیا میں ہونے والے فارمولا SAE 2020 مقابلے میں عملی طور پر حصہ لیا اور اپنی ایجاد کے لئے تیسری پوزیشن حاصل کی۔

Advertisement

طلبا نے کہا کہ حکومت کی مدد سے پاکستان میں اسپورٹس کاروں کی ترقی کو فروغ دیا جاسکتا ہے۔ ایک طالب علم کا یہ بیان دیا کہ “پاکستان میں تو بہت زیادہ صلاحیت ہے ، لیکن کسی کو اس بات کا یقین نہیں ہے کہ ان کے خیال کو حمایت حاصل ہوگی یا نہیں۔”

Leave a Reply

Your email address will not be published. Required fields are marked *