وفاقی حکومت نے گندم کی درآمد اور مستقل فراہمی کو یقینی بنانے کا اصولی فیصلہ کر لیا۔

اسلام آباد: حکومت نے رواں سال کے دوران اسٹریٹجک ذخائر کی تعمیر کیلئے گندم کی درآمد اور مستحکم خوراک کی مستقل فراہمی کو یقینی بنانے کا اصولی فیصلہ کیا ہے۔

منظوری کے لئے کابینہ کی اقتصادی رابطہ کمیٹی کے اگلے اجلاس میں سمری پیش کی جائے گی۔ یہ بات سیکریٹری وزارت فوڈ سیکیورٹی اینڈ ریسرچ غفران میمن نے قومی قیمت مانیٹرنگ کمیٹی (این پی ایم سی) کے اجلاس میں کہی۔

وزیر خزانہ شوکت ترین کی زیرصدارت این پی ایم سی کا اجلاس ، کھانے پینے کی اشیائے ضروریہ کی قیمتوں کا جائزہ لینے کے لئے منعقد ہوا۔

Advertisement

مسٹر غفران نے کمیٹی کو ملک بھر میں گندم کے ذخیرے کی کافی دستیابی سے آگاہ کیا۔ انہوں نے اسٹریٹجک ذخائر کی تعمیر کے لئے گندم کی درآمد کے انتظامات اور رواں سال کے دوران مستقل فراہمی کو یقینی بنانے کے انتظامات کے بارے میں بھی آگاہ کیا۔
این پی ایم سی نے گذشتہ ہفتے کے دوران اشیائے ضروریہ خصوصا گندم کا آٹا ، چینی ، خوردنی گھی ، چکن اور سبزیوں کے قیمتوں کے رجحان کا جائزہ لیا۔

مسٹر شوکت ترین نے صورتحال کا جائزہ لیتے ہوئے تمام صوبائی حکومتوں پر زور دیا کہ وہ وزیر اعظم کی ہدایت کے مطابق سبسڈی والے نرخوں پر گندم کی روزانہ فراہمی کو یقینی بنائیں تاکہ گندم کے آٹے کے تھیلے کی قیمتوں کو برقرار رکھا جاسکے۔

Leave a Reply

Your email address will not be published. Required fields are marked *