مسلم لیگ (ن) کے صدر اور قومی اسمبلی میں قائد حزب اختلاف شہباز شریف کو مبینہ طور پر ہفتہ کی صبح لاہور ایئر پورٹ سے قطر کے راستے برطانیہ جانے کی اجازت نہیں دی گئ ، فیڈرل انویسٹی گیشن اتھارٹی (ایف آئی اے) نے مبینہ طور پر ان کا نام “ایک اور فہرست میں” رکھا تھا۔ جو انہیں ملک چھوڑنے سے روک رہا ہے۔
اس سے قبل لاہور ہائیکورٹ نے شہباز کو طبی علاج کے لئے ایک بار بیرون ملک سفر کرنے کی مشروط اجازت دے دی تھی۔
ہفتہ کی علی الصبح میڈیا سے گفتگو کرتے ہوئے مسلم لیگ (ن) کی ترجمان مریم اورنگزیب نے کہا کہ جب لاہور ہائی کورٹ نے شہباز شریف کو بیرون ملک جانے کی اجازت دی تو ایف آئی اے کے دو اہلکار عدالت میں موجود تھے۔ مریم اورنگ زیب نے بتایا کہ عدالتی حکم میں مسلم لیگ (ن) کے صدر کی قطر جانے والی فلائٹ نمبر کا بھی ذکر کیا ہے۔
انہوں نے کہا ، “جب شہباز شریف آج ائیرپورٹ آئے تو ایف آئی اے کے عہدیداروں نے انہیں روکا اور کہا کہ وہ سفر نہیں کر سکتے ہیں کیونکہ یہاں جو فہرست ہے ، اس میں شہباز شریف کا نام شامل نہیں ہے ۔” ایف آئی اے کے مطابق ، عدالتی حکم کے بعد ابھی تک اس کی تازہ رپورٹ سسٹم میں شامل نہیں ہوئی ہے۔
