خضدار سول اسپتال کے میڈیکل سپرنٹنڈنٹ ، اسماعیل باجوئی کے مطابق ، ضلع خضدار میں ایم 8 موٹر وے پر تیز رفتار موڑ پر بس الٹنے کے نتیجے میں 23 افراد جان سے چلے گئے اور متعدد زخمی ہوگئے۔
اس سے قبل ، خضدار کے ڈپٹی کمشنر (ڈی سی) میجر (ر) بشیر احمد نے 18 افراد کے جان سے جانے کی تصدیق کی تھی۔
ڈپٹی کمشنر نے بتایا کہ بس بلوچستان کے وڈھ سے مسافروں کو لے کر سندھ کے دادو جارہی تھی۔ انہوں نے مزید کہا کہ متاثرین میں سے 15 کی موقع پر ہی جان چلی گئی ، جبکہ تین دیگر افراد اسپتال میں علاج کے دوران دم توڑ گئے۔
لیویز اہلکاروں اور امدادی کارکنوں نے لاشوں اور زخمیوں کو اسپتال منتقل کردیا۔
ڈی سی نے بتایا کہ دنیا سے رخصت ہونے والوں میں دو بھائی اور ایک کنبہ کے چار دیگر افراد شامل ہیں ، انہوں نے مزید بتایا کہ میڈیکل قانونی رسمی کارروائیوں کی تکمیل کے بعد ایمبولینسوں کے ذریعہ متاثرہ افراد کو آبائی شہر بھیج دیا گیا ۔
ڈی سی احمد کے مطابق ، مسافر دادو کے رہائشی تھے جو وڈھ میں صوفی بزرگ عبد القادر نقشبندی کے مزار پر سالانہ عرس میں شرکت کے بعد گھروں کو واپس جارہے تھے۔
