کراچی: سپریم کورٹ آف پاکستان نے متعلقہ حکام کو کراچی سرکلر ریلوے (کے سی آر) کے روٹ پر انڈر پاس اور فلائی اوور کی تعمیر پر کام شروع کرنے کی ہدایت کردی ہے۔
چیف جسٹس گلزار احمد کی سربراہی میں تین ججوں کے بنچ نے یہ حکم ایس سی کراچی رجسٹری میں کراچی سرکلر ریلوے اور ریلوے اراضی پر تجاوزات سے متعلق کیس کی سماعت کے دوران جاری کیا۔
آج جاری ایک تحریری فیصلے میں ، عدالت عظمی کی کراچی رجسٹری نے سندھ حکومت کو ہدایت کی کہ وہ ایک ماہ میں کے سی آر منصوبے کے پی سی ون کو منظور کرے۔ عدالت نے متعلقہ حکام کو فوری طور پر کے سی آر روٹ پر انڈر پاس اور فلائی اوور کی تعمیر پر کام شروع کرنے کی بھی ہدایت کی۔
اعلی عدالت نے سندھ حکومت کو کے سی آر ٹریک پر فلائی اوور اور انڈر پاسوں کی تعمیر کے لئے فنڈز جاری کرنے کی ہدایت بھی کی۔
عدالت عظمی نے اپنے تحریری حکم میں فرنٹیئر ورکس آرگنائزیشن (ایف ڈبلیو او) کے تیار کردہ کراچی سرکلر ریلوے کے نئے ڈیزائن کی منظوری بھی دے دی۔
یہاں یہ امر قابل ذکر ہے کہ حکومت سندھ نے انڈر پاس اور فلائی اوور کی تعمیر کے لئے 5 ارب روپے کے فنڈ مختص کیے تھے۔
